غریب آدمی کمین ہوتا ہے۔

کیوں؟

یوں

1۔ گلی میں ایک دو گھرانے ایسے ہیں جو واقعی زکواۃ کے مستحق ہیں۔ میں زکواۃ کے علاوہ بھی صدقہ وغیرہ دینا ہو تو ان کو ہی ترجیح دیتی ہوں۔ کچھ عرصہ پہلے ان میں سے ایک خاتون نے میری غیر موجودگی میں تین چار چکر لگائے، بہن نے پیغام دیا کہ وہ کہہ رہی تھیں ان کی بیٹی کی شادی ہے بیس ہزار دے دیں۔ خیر میں نے بیس تو نہیں دس ہزار ایک لفافے میں رکھ کر دے دیے کہ یہ دے دینا۔

اب مجھے لاشعوری طورپہ پر انتظار کہ گلی میں شادی کی کوئی رونق لگے گی۔ ایک دن گھر پہ لائٹیں لگی نظر آئیں لیکن کوئی مہمان یا رش یا تمبو قنات نظر نہیں آئے۔ دو تین دن بعد روشنیاں اتر گئیں۔ پتا چلا وہ تو عید میلادالنبی کے سلسلے میں تھیں۔ اب مجھے تجسس کہ شادی کہاں گئی۔ ان کے پڑوسی دیور کے بیٹے سے باتوں باتوں میں پوچھا کہ تمہارے تایا کی بیٹی کی شادی ہونی تھی کب ہے۔ اس نے کہا ابھی تو نہیں ہورہی۔ وہ تو بعد میں ہے۔

یادداشتائیں

بگ باس  ٹائپ پروگرامز ریمائینڈ می آف مائی ہاسٹل ان قاہرہ

دوسری جنگ عظیم کے زمانے کا ہانٹڈ فلیٹ

چار تہذیبوں سے چھ خواتین

ایک واش روم، ایک کچن، ایک چولھا

یوروپینز،،، بے زار

افریقنز،،، خوش اور مہربان

ایشئینز ،،،، ڈھیٹ

عرب ،،، سانوں کیہہ

جارجئین ،،، کیوٹ اینڈ کرٹئیس

دوستیاں، مفادات، سازشیں

صفائی کرنے پر جھگڑے

کچن اور واش روم پر مسابقت

فرج اور کچن کیبنٹ میں شیلف لینے پر جھگڑے

ڈیٹیں

یوروپینز کے بوائے فرینڈز کی آمد

ایشئینز اور عرب کااعتراض اور پھڈا

"لڑکے ناٹ الاؤڈ ان گرلز ہاسٹل"

ہائے میشا معصوم کے داخلے پر بھی پابندی

کوئی گل نئیں نہ آنے دو

ہم خود بوائز ہوسٹل میں غڑاپ

بالکنی میں "لیٹس ہیو اے کپ آف ٹی" پارٹیز

ایک بابا آدم کے زمانے کا ٹی وی جو اپنی مرضی سے چلتا تھا

انتظامیہ سے بے سود شکایتیں

ہانٹڈ موویز ساتھ دیکھنا اور چیخیں مارنا

رومینٹک موویز دیکھنا اور آہیں بھرنا

لڑنا، بھڑنا، لیکن ساتھ ہی رہنا اور انجوائے کرنا

💕💙💖💚😍💛💝💜💞

ہاسٹل میں رہنے کے رہنما اصول

یونیورسل کوکنگ ریسپی برائے ہوسٹلرز اورپردیسیزز

مٹی دے باوے

چھوٹی اسکرین کا مولا جٹ جس پر فوری پابندی لگنی چاہیے 

ٹی وی ڈرامہ ہم دیکھتے ہیں تفریح کے لیے۔ ریلیکس ہونے کے لیے۔ لیکن یہ مٹی کے باوے نامی ڈرامہ جس،قدر قتل و غارت پرمبنی ہے اور اس کی اس قدر ریٹنگ ہے اس کا عوام کو کیا فائدہ ہورہا ہے ، کس قسم کی تفریح ہے یہ اور کیا سیکھ مل رہی ہے۔ قتل و غارت دیکھنا یا دکھانا اینٹرٹینمنٹ تو ہر گز نہیں ایسی ریٹنگ، ویسی اداکاری اور آسکر لیول پرفارمنس عوام تک ایکچوئلی کیا ڈیلیور کررہی ہیں۔

نہ ہو جس کو خیال آپ اپنی حالت کےبدلنے کا

گزشتہ عید کے دوسرے دن ہم ڈام گئے تھے ڈام بلوچستان کا ایک ایسا علاقہ ہے جہاں ایک جانب صحرا ہے اور دوسری جانب سمندر اور اس کے درمیان اکلوتی سڑک کے ساتھ کچھ گوٹھ ہیں۔ ان گوٹھوں میں سے ایک گوٹھ میں جانا ہوا۔دوپہر کا وقت تھا شدید گرمی تھی ۔ میں نے صاحب خانہ سے کہا کہ یہاں سمندر بھی ہے اور صحرا بھی آپ لوگ گھر کے ارد گرد کھجور اور ناریل کے درخت کیوں نہیں لگاتے۔ سایہ بھی ملے گا اور پھل بھی ۔ دونوں کے لیے ساز گار موسم اور ماحول ہے۔ ابا نے کہا کہ میں آپ کو ناریل کے پودے لا دیتا ہوں۔

پکچر کریڈٹ : ابا حضور

عجیب و غریب شوق

ہمارا ایک بہت پرانا شوق لائبریری سے استفادے کا ہے۔ ہمیں جب بھی کہیں کوئی لائبریری نظرآجاتی ہے یا گھر کے قریب، دفتر کے راستے میں دریافت ہوتی ہے ہمیں یک لخت یاد آجاتا ہے کہ ہم اب تک کتنی ہی کتب پڑھنے سے محروم رہ گئے ہیں اور اپنا اتنا وقت ضایع ہوجانے کا افسوس ہونے لگتا ہے۔

اسکندریہ لائبریری، مصر

ہم ستر کی دہائی میں پیدا ہونے والے

ہم ستر کی دہائی میں پیدا ہونے والے 

ہماری زندگی میں پہلے پہل ریڈیو آیا۔ بی بی سی اردو ہمارا مرغ باد نما ہوتا تھاجس سے ہم اپنی گھڑیاں ملاتےاور ہر خبر کی تصدیق بھی اسی سے کرتے تھے، گانے آل انڈیا ریڈیوسے سنتے تھے اور بناکا گیت مالا ریڈیو سیلون سے۔ پاکستانی فلموں کے ریڈیو پروگرامز"آجشبکو" دوپہر گیارہ سے بارہ بجے ریڈیو پاکستان سے، اور دوپہر تین بجے  حسن شہید مرزا اور ساتھی خاتون میزبان حفیظ فاطمہ / شہلا صدیقی سے "کالا کولا کی محفل نامی میگزین پروگرام میں" ملاقات کرتے۔ شام ساڑھے پانچ بجے فوجی بھائیوں کے لیے خصوصی پروگرام سنتے اور رات آٹھ بجے ڈرامہ۔   بالآخر ایک دن  ریڈیو ہمارا دل بہلا کر رخصت ہوا۔

کیڑا

میری دفتری ذمہ داریوں میں پرائیوٹ سیکٹر کے ساتھ کوآرڈینیٹ کرنا بھی شامل ہے۔ جن میں پرائیوٹ میڈیکل پریکٹشنرز/پرائیوٹ کلینکس،، نجی میٹرنٹی ہومز، پرائیوٹ میڈیکل نیٹ ورکس جیسے آغا خان ہیلتھ سروسز یا انڈس ہیلتھ اینڈ ہاسپٹلز نیٹ ورک، ملکی اور غیر ملکی این جی اوز کے ساتھ فیملی پلاننگ کی خدمات فراہم کرنے /کراوانے اور اس ضمن میں ان کی ٹریننگ، فیملی پلاننگ کی اشیاء / کموڈیٹیز کی مفت فراہمی ، ان کی مانیٹرنگ اور سپروائزنگ اور ان سے مختلف اقسام کی ماہانہ، سہ ماہی ، شش ماہی ، سالانہ رپورٹس لینا شامل ہے۔ اس کے لیے ہم ان تمام پرائیوٹ اداروں اور تنظیموں سے میمورینڈم آف انڈر اسٹینڈنگ سائن کرتے ہیں۔

شیطان یا جراثیم

بہت ساری ایسی  حدیثیں ہیں جن میں شیطان یا جنوں کا ذکر کیا گیا ہے یعنی ان کے نقصان سے بچنے کے لیے طریقے بتائے گئے ہیں ۔ میری ناقص رائے میں دراصل 1400 سال پہلے اس دور کے انسانوں کی معلومات، ادراک اور ذہنی سطح  کے مطابق ان سے بات کی گئی تھی۔ ان کو جدید سائنس کے مطابق پرکھیں تو وہ فائدہ مند ہیں لیکن نقصان کا باعث شیطان یا جن نہیں بلکہ کچھ اور عوامل ہیں جن سے وہ احادیث بچاتی ہیں۔

PC: Safegaurd

شکیل: ایک ادنیٰ ٹریبیوٹ

شکیل کے انتقال کے موقع پر لکھی گئی ایک تحریر

پی ٹی وی کے اولین ہیروز اور بہترین اداکاروں میں سے ایک اداکار شکیل بھی آج سدھارگئے۔ اگرمیں اپنی ٹیلی وژن کی اولین یادداشتیں کھنگالوں تو افشاں ڈرامہ یاد آتا ہے، ڈرامہ کیا ہے اداکاروں کی ایک پوری کہکشاںہے ۔ شاید افشاں ڈرامے میں پی ٹی وی کراچی سینٹر کے تمام ہی نمایاں فنکاروں اور فنکاراوں نے کام کیا تھا۔ بشمول شکیل۔ جس کے کردار کے ارد گرد پوری کہانی بنی ہوئی تھی۔ بلاشبہ وہ  ایک خوبصورت انسان، وجیہہ شخصیت، اور ورسٹائل اداکارتھے۔

انکم ٹیکس کے غیر روایتی ذرایع

لوکل گورنمنٹ کے لیے کچھ انکم جنریٹنگ تجاویز

ایک بار پھر الیکشن قریب آرہا ہے اور پھر سے ہر طرف بینرز، ہورڈنگز سیاسی نعروں سے مزین نظر آئیں گے اور ہر پارٹی کے پرچم اور سیاستدان کھمبوں پر ٹنگے نظر آئیں گے ۔الیکشن گزر جائیں گے لیکن یہ اشتہار، پرچم اور سیاستدان ایسے ہی کھممبوں پر ٹنگے رہیں گے ، ان کے چہرے دھویں سے سیاہ پڑتے جائیں گے، کچھ ہوا ، دھول مٹی اور اگر بارش ہوگئی تو بھیگ کر اور بھی قابل رحم بلکہ بدنما ہوجائیں گے اور ساتھ ساتھ شہر کو بھی بدنما بنائیں گے ۔

 پچھلے لوکل باڈیز کے الیکشنز میں لگائے گئے بینرز اورکھمبوں پر لٹکائے گئے سیاست دان ابھی تک وہیں لٹکے ہوئے ہیں، گندے ، میلے، لیر لیر  ادھر ادھر جھول رہے ہوتے ہیں لیکن ان کا کوئی پرسان حال نہیں ہے ۔ بڑے ہورڈنگز تو کمرشل کمپنیوں کی ملکیت ہیں وہ ان پہ اشتہار لگانے کے پیسے بھی لیتی ہیں اور مقررہ مدت کے بعد اشتہار اتار بھی دیتی ہیں کیونکہ انہیں کسی اور کا اشتہار لگا کر اس سے پیسے وصول کرنے ہوتے ہیں تاہم دیواروں، چوک، چورنگیوں، کھمبوں پر لٹکے یہ لیرے شہر کی بدصورتی میں چار کیا چالیس چاند لگائے ہوتے ہیں۔

ہمارے فیورٹ ٹاپ ٹین بالی ووڈ آئٹم سونگز

ناظرین، حاضرین، غائبین، و مشاہدین الکرام

آج پیش ہیں ہمارے فیورٹ گندے گندے گانے یعن دیکھنے میں گندے لیکن سننے میں پسندیدہ گانے

وارننگ : پوسٹ پڑھ لیں لیکن یوٹیوب سرچ اپنے رسک پر کریں، اماں باوہ یا بچوں نے پکڑ لیا گانے دیکھتے تودھنائی ہونے پر ادارہ ذمہ دار نہ ہوگا۔

توناظرین آج باری ہے گندے والے پسندیدہ گانوں کی۔ دیکھیں بھئی ، ہم یہ گانے صرف سنتے ہیں دیکھتے نہیں ہیں۔ اب ان گانوں کی دھنیں ہیں ہی چٹخارےدار تو بندہ کیسے نہ کھنچاکھنچا جائے ان کی طرف مطلب بندے کے کان۔ تو پیش ہیں مسالے دار گانے ۔ آئٹم سانگ کا اس سے بہتر اردو مترادف ہمیں نہیں مل سکا۔

ایوولیوشن

 یا شاید ڈیوولیوشن، کنفرم نہیں ہے، لیکن ،،

ایک زمانہ تھا میں ہر ایشو پہ بحث کرتی رہتی تھی۔ اورہر ایک سے، اس وقت حب الوطنی کا کیڑا بھی بہت بے چین رہتا تھا اور ایمان کا بھی۔  مجھے لگتا تھا کہ اگر کسی بات کا جواب نہ دیا تو یہ تو میری ہار ہوگئی گویا کوئی بہت ہی شرمندگی والی بات ہوگئی۔ یا کسی موضوع پر اظہار خیال نہ کیا تو کوئی انقلاب آتے آتے کہیں رک نہ جائے۔ کبھی غور نہیں کیا لیکن کافی لوگوں کی دل آزاری کی ہوگی یا غصہ دلانے کا سبب بنی ہونگی۔

ڈائجسٹوں میں ادبی شہہ پارے

ونس اپون اے لانگ لانگ ٹائم بلکہ زمانہ قبل از ٹائم جب ہم کتابیں خریدنا افورڈ نہیں کرسکتے تھے تو ڈائجسٹوں میں رومانچک ناولز اور افسانے پڑھا کرتے تھے وہ بھی کباڑی سے خرید کر یا دوسروں سے مانگ کر۔ ڈائجسٹوں میں موضوع کی کوئی قید نہیں تھی پاکیزہ سے سسپنس تک اور شعاع سے نئے افق، جاسوسی اور سیارہ ڈائجسٹ، اردو ڈائجسٹ جو مل جائے اسے چاٹ لینا بلکہ رٹ لینا فرض ہوتا تھا۔

من کہ ایک فالور ہوں

ونس اپون زمانہ قبل ا ز ٹائم ایک اخبار ہوتا تھا یا پھر ٹی وی جس سے ہر قسم کی خبریں اور اینٹر ٹینمنٹ عوام تک پہنچتی تھی۔  اور ان دونوں فورمز پر نظر آنے والے، لکھنے والے، بولنے والے ، اداکاری کرنے والے اور فنکاریاں کرنے والے تمام لوگ عوام کی نظر میں سلیبرٹی ہوتے تھے ۔ جن تک پہنچنا، اپنے رائے پہنچانا ایک کار عظیم ہوا کرتا تھا۔ [دیگرفورمزبھی ہوتے تھے جیسے سینما لیکن وہ اتنے ارزاں اور ہر ایک کی پہنچ میں نہیں ہوتے تھے اور ریڈیو کی اس دور تک وہ اہمیت نہیں رہی تھی جس دور کی ہم بات کررہے ہیں۔ زمانہ انیس سو پتھر میں تو ریڈیو کے صدا کار بھی سلیبرٹی اسٹے ٹس انجوائے کیا کرتے تھے]

ٹی وی واچ 1.0

بات کچھ اس طرح ہے کہ ایک دن ڈرائینگ روم کی صفائی کرتے ٹی وی کھلا تھا ایک چینل پر فیس بک کے نو فلٹر پیج والی خاتون وی لاگر ایک ڈرامے میں بٹو آپا بنی نظر آئیں ، ایک کامیڈی سیریل کی کوئی قسط تھی۔ ان کی اداکاری وی لاگز کی طرح ہی بے ساختہ تھی۔ڈرامہ بھی ہلکا پھلکا لگا، نو ساس بہو، نو ایکسٹرا میریٹل افئیر۔ ڈرامے کا نام نوٹ کیا، یوٹیوب پر ڈرامہ تلاش کر کے جب تک کی ساری قسطیں دیکھ ڈالیں۔ اور سلسلہ چل پڑا۔۔ ۔

کمفرٹ واچ

یہ تذکرہ ہے ایسی دو سیریز کا جوہم عصر نارمل اربن مڈل کلاس کی نمائندگی کرتی ہیں ۔ ان کو دیکھ کر آپ کو لگے گا کہ آپ بھی ان ساری سچویشنز سے گزر چکے ہیں یا یہ تجربے آپ کو بھی ہوسکے ہیں۔ ایک عام آدمی کو درپیش آنے والے معاملات، مسائل اور ان کا تجزیہ، ان پر بات کرنے کی کوشش کی گئی ہے۔ دونوں میں کچھ کچھ مزاح بھی استعمال کیا گیا ہے ، لیکن انہیں مزاحیہ کے بجائے لائٹ رومینٹک سیریز کہنا بہتر ہے۔ کمفرٹ واچ اس لیے کہا کہ ان میں کوئی ایڈونچر، تھرل، ہارر ، ایکشن نہیں ہے عام لوگوں کی عام سی خاص کہانیاں اور بس

پہلی سیریز ہے مس میچڈ،

کالج اسٹوڈنٹس کی زندگی سے لیے گئے ذاتی مسائل سے لے کر کالج میں ہونے والے جھگڑوں ، دوستوں کے درمیان نا اتفاقیوں میں گھری ہوئی پانچ لو اسٹوریز یا پانچ ریلیشن شپس کے الجھے دھاگے ۔ پانچوں کپلز کے پارٹنرز سوشل اسٹے ٹس،ذاتی پسند ناپسند اور عادات میں کہیں سے بھی آپس میں کہیں میچ نہیں کرتے۔

ہماری کائنات (Our Universe)

 چھ قسطوں پر مبنی نیٹ فلکس سیریز

جس میں زمین پر موجود زندگی، پانی، وقت، لائف سائیکل، کشش ثقل, کیمیائی عناصر وغیرہ کا بگ بینگ سے تعلق بتایا گیا ہے۔جب کچھ نہیں تھا تو کیا تھا یعنی بگ بینگ سے پہلے کیا تھا، کتنے ارب سالوں میں کب کب کیا کیا مدارج آئے، کہکشائیں کیسے بنیں، ستارے کیسے بنے، سیارے کیسے بنے۔ پانی کہاں سے آیا۔

کرائے کی کوکھ (Surrogacy) اور بالی ووڈ

کہا جاتا ہے کہ ماں بننا کسی بھی عورت کے لیے اس کی زندگی کی معراج ہوتی ہے۔ مشرقی معاشروں اور خصوصاً مسلمان معاشرے میں ماں کا درجہ بہت اونچاسمجھا جاتا ہے ، ماوں کے قدموں کے نیچے جنت پائی جاتی ہے۔ کہ ماں کی خدمت کر کے آپ جنت کما سکتے ہیں لیکن ماں بننا یا ماں بننے کے مرحلے سے گزرنا ہر ایک کی قسمت میں نہیں ہوتا۔ بہت ساری میڈیکل کنڈیشنز ایسی ہیں جن کی وجہ سے کوئی عورت پریگننٹ نہیں ہوپاتی۔ اور ماں بننے سے رہ جاتی ہے۔ ایسی بھی خواتین ہیں جنہیں لگتا ہے کہ پریگننسی سے ان کا جسم خراب ہوجائے گا لہذہ وہ ماں بننے سے انکاری ہوتی ہیں۔

PC: Internet

بیگم جان: تقسیم کے پس منظر میں ایک منفرد مووی

ریڈکلف باونڈری کمیشن کے فیصلے سرحد کے دونوں جانب قابل اعتراض رہے ہیں سیاسی، جغرافیائی، سماجی، جذباتی ہر لحاظ سے۔ کہیں خاندان تقسیم ہوگئے، کہیں گاوں تقسیم ہوگئے کہیں زمین تقسیم ہوگئی خاص کر بنگال اور پنجاب کی تقسیم پر آج تک دونوں طرف کے لوگ نوحہ کناں ہیں۔

ہمارے کچھ فیورٹ انڈین کامیڈی شوز

جب ہماری اماں اور بھاوج سونی، زی اور اسٹارپلس پر نشر ہونے والے ساس بہو کے ڈرامے دیکھ دیکھ کر اپنی اپنی سسرائیلی خصوصیات پالش کررہی تھیں مطلب چھریاں تیز کررہی ہوتی تھیں تب ہمارا یعنی ہمارا اور بھائی کا فیورٹ چینل سونی گروپ آف کمپنیز کا سب چینل ہوتا تھا جس پر صرف اور صرف کامیڈی سوپ سیزنز نشر ہوا کرتے تھے ۔ ان ہی سیزنز میں سے چند ایک سیزنز جو ہم اور بھائی مل کر دیکھا کرتے تھے ان کا تعارف پیش ہے ۔۔

میں کب ساس بنوں گی

یہ ساس اور بہو کی تین نسلوں پر مشتمل فیملی کامیڈی تھی جس میں ساس اپنی بہو کو بہت نچائے رکھتی ہے اس سے خدمتیں کرواتی ہے، پیر دبواتی ہے، اور جب بھی بہو آرام کے موڈ میں ہوتی ہے تو اس کی ساس ایک زور دار اور لمبی آواز لگاتی ہے "بہووووووو" اور وہ بے چاری دوڑی جاتی ہے ۔

بہو کی بڑی آرزو ہوتی ہے کہ اس کی بھی ایک بہو ہو جس سے وہ ایسی ہی خدمتیں کروائے اور اسے ایسے ہی بہو کہہ کر پکارے ۔۔ جب اس کی بہو آتی ہے تو اس کی ساس اس کی بہو کے ساتھ دوستانہ لگا لیتی ہے اب جب بھی بہو ساس بن کر اپنی بہو کو کوئی حکم نامہ جاری کرتی ہے اس کی خود کی ساس آگے سے اپنا کوئی حکم نامہ جاری کردیتی ہے اور بہو بے چاری اپنی آرزوئیں دل میں دبا کر رہ جاتی ہے ۔۔ اور یہی سوچ کر رہ جاتی ہے کہ میں کب ساس بنوں گی۔