فاطمہ نامہ 1

فاطمہ بہت چھوٹی سی تھی شاید ایک ڈیڑھ سال کی۔ ہم اسے انگلی چوسنے سے منع کرتے تھے۔ ایک دن ہم دونوں نیچے اکیلے ٹی وی دیکھ رہے تھے۔ اس نے منہ میں ہاتھ ڈالا میں نے اسے منع کیا۔ اس نے نکال لیا تھوڑی دیر بعد پھر انگلی منہ میں۔ میں نے قریب سے ماچس اٹھائی اور کہا میں تمہارا ہاتھ جلادوں گی اب اگر منہ میں لیا۔ فاطمہ ایک دم خوفزدہ ہو کر مجھ سے دور ہوگئی۔ اس کے چہرے کے تاثرات مجھے آج تک نہیں بھولتے۔ جتنی دہشت تھی اس کے چہرے پر۔

نورِ جہاں: سرورِ جہاں

نور جہاں کی برسی کے موقع پر ایک خراج تحسین 

نورجہاں کی آواز کے کئی ورژنز ہیں

ایک بے بی نورجہاں کی آواز جو پاکستان بننے سے پہلے کی فلموں میں سنائی دیتی ہے۔

"آجا ،، آجا، آجا میری برباد محبت کے سہارے

ہے کون جو بگڑی ہوئی تقدیر سنوارے"

بدتمیز دل: ایک ویب سیریز تین تبصرے

بدتمیز دل

ایک لڑکی جو آج کی تاریخ میں اٹھارویں صدی کی محبت کے ماڈل پر یقین رکھتی ہے۔

اور ایک لڑکا جو محبت پر سرے سے یقین ہی نہیں رکھتا۔

لڑکی جو ہر اس لڑکے کے ساتھ ایک پرفیکٹ لوو اسٹوری کا محل تعمیر کرلیتی ہے جو اس سے تمیز سے بات کرلے

اور لڑکا جو اپنی ہر ڈیٹ کو پورا پروٹوکول دیتا ہے لیکن صرف ایک ملاقات کے لیے۔

ایک مشرق اور ایک مغرب

کیا ہوگا ان دونوں کا

اور جو ہوا وہ درست تھا یا غلط

یہ تو خود ہی دیکھ کر فیصلہ کریں

بلغراد سربیا کی خوبصورت لوکیشنز ساتھ مفت میں دیکھیں۔

مشرقی پاکستان پر دو ناول

اللہ میگھ دے : طارق محمود

طارق محمود ایک بیوروکریٹ تھے۔ انہیں تعلیم اور افسری کے دوران کافی عرصہ مشرقی پاکستان میں گزارنے کا موقع ملا۔ ان کی بائیوگرافی بھی کافی دلچسپ ہے۔ عامر خاکوانی صاحب ان کی بائیوگرافی کے کچھ حصے اپنی وال پہ شئیر کررہے ہیں۔ ان ہی کے ایک کالم سے اس ناول کا سراغ ملا تھا۔

اقبال: ایک اور لوو اسٹوری

محبوب، ، ، ہر وہ ہستی جس سے آپ کی اٹیچمنٹ آپ کا لگاو بے لوث ہے، جس کے بغیر آپ کو زندگی زندگی نہ لگے آپ کا محبوب ہے۔ جس کے درد پر آپ کی آنکھوں میں آنسو آجائیں، جس کی خوشی پر آپ اس سے زیادہ ہواوں میں اڑتا محسوس کریں۔ چاہے اس سے آپ کا رشتہ کچھ بھی ہو یا کوئی بھی رشتہ نہ ہو۔

محبت کیا ہوتی ہے اس کا احساس مجھے مووی "اقبال" دیکھ کر ہوا۔ ایک نامور کرکٹر بننے کا خواب تعبیر کرنے کے لیے ایک گونگے لڑکے کی جدو جہد ۔ جس میں اس کی چھوٹی بہن خدیجہ ہر لمحہ اس کے ساتھ ساتھ ہوتی ہے۔ اپنے والد کے غصے سے اسے بچاتی ہے، ایک سابق کرکٹر سے اپنے بھائی کی ٹریننگ کے لیے لڑ پڑتی ہے۔ اس کی زندگی بس اپنے بھائی کی خواہش کو پورا کرنے کے ارد گرد گھومتی ہے۔

دلیپ کمار : یہ رنگ روپ یہ سج دھج یہ بانکپن تیرا

آج اردو فلموں کے بے تاج بادشاہ دلیپ کمار کی  سالگرہ ہے۔ تو پیش ہے آج دلیپ کمار گیت مالا جس میں ہم آپ کو دکھائیں گے دلیپ کمار کے مختلف روپ

۱۔ ملتے ہی آنکھیں دل ہوا دیوانہ کسی کا

ایک تو دلیپ کمار اس پہ طلعت محمود کا تڑکہ ۔

https://www.youtube.com/watch?v=89Mz6gUFvcg

۲۔ نین لڑ جائیں تو منوا ماں کسک ہوئی وے کری

گنگا جمنا کا بھولا سا ہیرو جسے پہلی بار محبت کا ذائقہ لگ جائے تو کیسے جھوم جاتا ہے

https://www.youtube.com/watch?v=xRlR86GzsfM

صرف تم

ڈراموں میں ہماری دل چسپی کی وجوہات و سامان

جیو اور سیونتھ اسکائی پروڈکشنز نے گویا کارخانہ لگایا ہوا ہے، ایک ڈرامہ ختم ہوتا ہے دوسرا شروع، دوسرا ختم پانچواں شروع،تیسرا اور چوتھا کسی اور دن پہلے ہی جیو پر چل رہے ہوتے ہیں۔ چھٹا اور ساتواں بھی۔حال ہی میں ان دونوں کی مشترکہ پیش کش تازہ ترین ڈرامہ اختتام پذیر ہوا۔ حسب معمول فیس بک کے ٹوٹوں میں نظر پڑی ، چند ایک سین دیکھ کر ریسرچ کی تو پتا چلا کہ ماضی کی مشہور افسانہ و ناول نگاراور حال کی ڈرامہ نگار خاتون کی کہانی ہے۔ہمیں افسانے دیکھنے سے زیادہ پڑھنے میں مزا آتا ہے، لہذہ فوری طور پر اپنی ایک افسانہ و ڈرامہ نگار گرل فرینڈ اور ایک ناولز کی شوقین دوست کو ان باکس کیا کہ یہ محترمہ کا کون سا افسانہ یا ناول ہے پتا کر کے بتاو، پتا چلا کہ نوے کی دہائی کا کوئی افسانہ تھا شعاع یا دوشیزہ میں چھپا تھا اسی کو لما پا کے اس پہ ڈرامہ بنایا گیا ہے۔ کوشش کی ڈھونڈنے کی لیکن نہیں ملا ۔

ایک والد کو خراج تحسین

سہیل احمد صاحب کی اداکارانہ صلاحیتوں کے بارے میں ہم بہت کم جانتے ہیں۔ جس وقت انہوں نے پی ٹی وی پر اداکاری شروع کی، ڈراموں میں کام کیا اس وقت ہم بہت چھوٹے تھے یا شاید بہت مصروف تھے۔ ہمیں بس یہ یاد ہے کہ وہ عابد کاشمیری صاحب کی طرح ہیرو کےدوست یا کامیڈین یا والد یا انکل ٹائپ رول ہی کرتے تھے جن پر ہم اس وقت دھیان نہیں دیتے تھے کیونکہ ہم وسیم عباس، راحت کاظمی۔ عثمان پیرزادہ اور آصف رضامیر پر زیادہ فوکس کرتے تھے۔

بھوانی جنکشن

پتا نہیں کہاں اور کس سے سنا تھا کہ ایوا گارڈنر نے پوری فلم کے دوران فل لینتھ اسکن کلر باریک جرابیں جس کو اب لیگی کہتےہیں پہن کر فلم کی شوٹنگ کروائی تھی اور ایک سین میں انہیں وہ جرابیں اتارتے دکھایا گیا تو لوگوں کو پتا چلا کہ وہ کتنی پردہ دار اداکارہ تھی۔

خیر جی ہم نے تب سے ہی پرسنل گولز میں یہ شامل کرلیا کہ ایک تو بھوانی جنکشن دیکھنی ہے اور اس میں بھی ایوا گارڈرنر کی ٹانگیں دیکھنی ہیں۔ [ہمارے ٹھرکی پن کا اندازہ کڑیں] لیکن جہاں تک ہماری فلمیں ڈھونڈنے کی پرواز تھی یعنی یو ٹیوب ، نووا موو وغیرہ وہاں یہ فلم کہیں ملتی نہیں تھی۔

Anna Karenina: Status of Women (A Review)

There are three ladies in the novel. First one is married to a man for years and mother of many kids from him. He cheats on her, and goes to many ladies including governess of his kids but the wife could not leave him, coz where would she go if she leaves him, there is no future for her economically and socially.

اخبارات میں بچوں کے صفحات

فاطمہ کو جنگ کا بچوں کا صفحہ بہت پسند تھا جنگ کے بچوں کے ایڈیشن میں آدھے صفحے پر چھوٹی چھوٹی کہانیاں ہوتیں, اور بقیہ آدھے صفحے پر مختلف سرگرمیاں اور گیمز جیسے کہ کچھ پزل ٹائپ چیزیں , فرق تلاش کیجیے, نقطے ملا کر رنگ بھریے, تصویروں کے حصوں پر نمبر ہوتے جنہیں پہلے جمع تفریق کر کے حل کرنا ہوتا پھر حل کیے حصوں میں جفت اعداد میں ایک رنگ, طاق میں دوسرارنگ , پہلیاں ہوتیں, لطیفے ہوتے۔ ہفتے کا اخبار کھولتے ہی آجاتی اور اپنا صفحہ لے کر بیٹھ جاتی ، سارا دن اسی میں لگی رہتی ۔

لیکن چند سال پہلے کاغذ کی کمی یا قیمت کی وجہ سے جنگ نے بچوں کا صفحہ بند کردیا۔ تین ہفتوں تک فاطمہ نے صبر کیا اور تین ہفتوں بعد اخبار میں بچوں کا صفحہ نہ دیکھ کر اسے جلال آگیا۔"ان کو پتا نہیں ہے میں یہ صفحہ پڑھتی تھی, کیوں بند کیا ہے۔ بچوں کا کوئی خیال ہی نہیں ہے۔"

فلمی شاعری میں صنفی تضاد

اردو شاعری میں عورت یعنی محبوب کو بہت ہی ظالم اور بے وفا ظاہر کیا جاتا ہے۔ گو کہ شاعری میں محبوب کو اسم مذکر سے مخاطب اور تذکرہ کیا جاتا ہے لیکن بہرحال شاعر مخاطب نسوانی محبوب و معشوق سے ہی ہوتے ہیں مرد شعرا اپنی شاعری سے خواتین کی نمائندگی نہیں کرتے. لہذہ وہ ہمارے اس تھیسیس سے خارج ہیں کہ عمومی شاعری میں شعراء اپنے کلام میں خواتین کے لیے اپنے جذبات کا اظہار کرتے ہیں خواتین کا نہیں۔ خواتین کے جذبات اور خیالات کے اظہار کے لیے پروین شاکر اور فہمیدہ ریاض جیسی شاعرات موجود ہیں۔ جن کی شاعری پڑھ کر لوگ انگلیاں دانتوں تلے داب لیتے ہیں۔

ایک مرحوم پروپوزل کی تقریباً برسی کے موقع پر

Photo Credit: Internet

ونس اپون ان کورونا ٹائمز ایک بھائی صاب تھے ان کو بھائی صاب کہنا مناسب تو نہیں لیکن سب مسلمان آپس میں بھائی بھائی ہیں تو خیر ہے۔ کتابوں سے متعلق ایک گروپ میں انہوں نے کسی کتاب کے بارے میں لکھا ، موضوع ہماری دلچسپی کا تھا ہم نے پوچھ لیا کہ کہاں سے ملے گی۔ اگلے دن ان کا جواب آنے تک ہم وہ کتاب پی ڈی ایف فارمیٹ میں سرچ اور ڈاونلوڈ کرچکے تھے، یہ اور بات پڑھنے کی باری ابھی تک نہیں آئی ۔ ان کے جواب کے جواب میں یہی فرما دیا ۔

فوراً ہی ان باکس آیا کہ آپ کو کیسے ملی۔ بھیا وہیں پوچھ لیتے ایسی بھی کیا راز داری

جواب دیا "ڈھونڈنے سے

پاکستان کے 50 یادگار گیت؟

[یہ لسٹ اسلم ملک صاحب نے اپنی فیس بک پروفائل پر بی بی سی کے حوالے سے  پوسٹ کی تھی لیکن ہماری رائے ہے کہ یہ لسٹ نامکمل ہے  اس کا عنوان پچاس نہیں ہزار یادگار پاکستانی گیت ہونا چاہیے تھا ہم نے اپنی یادداشت کے سہارے اس تحریر کے آخر میں یادگار گیتوں کی لسٹ میں مزید اضافہ کیا ہے۔ آپ بھی کمنٹس میں ایسے پاکستانی گیتوں کا اضافہ کرسکتے ہیں جو مختلف ادوار میں زبان زد عام رہے ہیں۔]

-------------------------------------

بی بی سی نے 2021 میں مختلف ادوار میں مقبول 50 پاکستانی گانوں کی فہرست مرتب کی، جن کی مدد سے یادداشت کھودینے کے مرض ڈیمینشیا سے متاثرہ افراد کی یادیں تازہ کرنے کی کوشش کی جاسکتی ہے۔ یہ الزائمرز کے عالمی دن پر ڈیمینشیا کا شکار افراد کے لیے بی بی سی اردو کا تحفہ ہے.

بی بی سی اردو نے اپنے قارئین، موسیقی سے وابستہ افراد اور صحافیوں کی مدد سے ایسے 50 گانے جمع کیے ہیں جو ایک عالمی پلے لسٹ کا حصہ ہوں گے جنھیں بی بی سی ورلڈ سروس ’میوزک میموریز پراجیکٹ‘ کے لیے تیار کیا گیا.

بی بی سی اُردو کی میوزک میموریز پلے لسٹ میں مندرجہ ذیل گانے، نغمے، غزلیں اور دھنیں شامل ہیں. یہ فہرست کسی مخصوص ترتیب میں نہیں...

نور جہاں: چاندنی راتیں،

مجھ سے پہلی سی محبت،

سانوں نہر والے پُل تے بلا کے

نصرت فتح علی خان: دم مست قلندر،

یہ جو ہلکا ہلکا سرور ہے

م سے محبت: ان کہی، تنہائیاں اوردھوپ کنارے کا مربہ

مجھے یہ پاری / پواری گرل بالکل بھی اچھی نہیں لگتی تھی ۔۔ٹک ٹاکر ٹائپ لڑکیوں سے مجھے اللہ واسطے کا بیر ہوتا ہے۔ یہی وجہ تھی کہ جب اس نے پہلا ڈرامہ کیا تو میری رائے یہی تھی کہ اسے کیا اداکاری آتی ہوگی ویسے بھی اب ایران طوران کی فوجوں سے وہ محبت نہیں رہی کہ ان کے "ڈرامے" دیکھیں۔

رانجھا رانجھا کردی

بھولا: ایک ذہنی طور پر پسماندہ نوجوان ، جس کی جبلی اور نفسانی خواہشات ابھر رہی ہیں۔

نوری: ایک کمتر ذات کی لڑکی جو اپنا مستقبل بدلنا چاہتی ہے۔ عزت اور مقام حاصل کرنا چاہتی ہے۔

ساحر: ایک مطلبی اور خود غرض انسان جو ایک کم ذات لڑکی سے فلرٹ کرنے کو تو تیار ہے لیکن شادی کرنے میں اس کی کم تر ذات سامنے آجاتی ہے۔

بھولا کی ماں: جسے ہر مشرقی ماں کی طرح لگتا ہے کہ شادی کے بعد اس کا پاگل بیٹا بالکل ٹھیک ہوجائے گا۔

چچا: ایک بزدل اور مکار رشتے دار اور مینجر

چچی: ایک عام مڈل کلاس گھریلو عورت جسے صرف اپنا، اپنے گھر اور اپنی اولاد کا مفاد عزیز ہے

سر ِ راہ: تو اڑ جا بے فکر

کچھ عرصے سے فیس بک ریلز میں ایک ڈرامے کی جھلکیاں آرہی تھیں جن میں صبا قمر کو ٹیکسی چلاتے دیکھایا گیا تھا ۔ پچھلے ویک اینڈ یو ٹیوب پر تلاش کر کے ڈرامہ دیکھا۔ دل خوش ہوگیا۔ چھ قسطوں اور پانچ اہم موضوعات پر مبنی پانچ کہانیوں کی ایک منی سیریز جو ہمارے سماجی نظام اور اقدار پر کئی سوال اٹھاتی ہے۔

پی ٹی وی کا انقلابی قدم

وہی جسے انگریزی میں کوانٹم لیپ کہتے ہیں

کچھ عرصہ قبل پی ٹی وی کے نئے شو "ان کہی ود شہناز شیخ" میں ڈاکٹرمحروب معیز اعوان کا انٹرویو نشر کیا گیا۔ اٹ واز اے پلیزینٹ سرپرائز۔ پی ٹی وی اور ایک خواجہ سرا کا انٹرویو ، وہی پی ٹی وی جہاں خاتون اداکارہ سوتے میں بھی سر پر دوپٹہ لیے ہوتی تھی اور مرد اداکار کسی خاتون اداکار کا ہاتھ ڈرامے میں بھی نہیں تھام سکتا تھا۔میں نے بہت عرصے سے پی ٹی وی نہیں دیکھا ہے، یقیناً موجودہ پی ٹی وی اس پی ٹی وی سے بہت مختلف ہوچکا ہے جسے دیکھنے کی میری نسل عادی رہی ہے۔

لاپتہ لیڈیز کون ہیں

لاپتہ لیڈیز وہ خواتین اور لڑکیاں ہیں :

جن کی شادی کم عمری میں کر دی جاتی ہے:

"گھونگٹ میں سے کیا نظر آئے گا؟"

 پھول کماری

وہ جن کی تعلیم روک کر انکی مرضی کے برخلاف شادی کردی جاتی ہے۔ 

"لڑکیوں کو موقع کیوں نہیں دیتے؟"

جیا

جن کے ٹیلنٹ کی حوصلہ افزائی نہیں کی جاتی لہذہ انہیں خود بھی لگنے لگتا ہے کہ ان کا ٹیلنٹ فضول شے ہے:

"کلا فضول ہوتی ہے کیا؟"

 دیپک کی بھابھی

دی اسٹوری آف گائیڈ

دیو آنند کی مشہور فلم گائیڈ ناول نگار آر کے نارائین کے ناول دی گائیڈ پر مبنی تھی جسے ساہتیہ اکیڈمی ایوارڈ بھی مل چکا ہے۔ یہ دیو آنند کا کا پہلا اور آخری یعنی اکلوتا انٹرنیشنل پراجیکٹ تھا۔

گائیڈ بیک وقت دو زبانوں اردو اور انگریزی میں بنائی گئی تھی۔ اردو / ہندی ہندوستان کی آڈئینس کے لیے اور انگریزی انٹرنیشنل آڈئینس کے لیے ۔ لہذہ ناول سے دو اسکرپٹ لکھے گئے ایک اردو اور ایک انگلش ۔ پہلے یہ فیصلہ ہوا کہ دونوں ورژنز ایک ساتھ فلمبند کیے جائیں ۔ایک ہی سین پہلے اردو میں ریکارڈ ہو پھر وہیں اسی وقت وہی سین انگریزی میں ریکارڈ کیا جائے ۔ اور دونوں فلموں کے مشترکہ یعنی بغیر ڈائلاگز والے سین بیک وقت دونوں کیمروں پر ریکارڈ کرلیے جائیں۔ انگریزی ورژن کے ہدایت کار ان کے بڑے بھائی چیتن تھے جب کہ اردو ورژن کے ہدایت کار ان کے چھوٹے بھائی گولڈی / وجے آنند تھے۔

برسات کی اک رات

پکچر کریڈٹ : ڈان اخبار

کوئی 15/16 سال پہلے کی بات ہے۔ بھائی کی شادی نہیں ہوئی تھی۔ ساون کا موسم تھا اور میری ماموں زاد بہن کی شادی تھی۔ اور جانا تھا لائنز ایریا۔ لائنز ایریا کی حالت اس زمانے میں بارش کے موسم میں بہت ہی خراب ہوجاتی تھی۔ لائنز ایریا کے بیچوں بیچ ایک نالہ ہے جو اوور فلو ہوجاتا تھا۔ شاید اب بھی ہوتا ہو۔ اور گلیوں میں گوڈے گوڈے پانی ، تنگ و تاریک گلیاں جن میں دن میں نارمل لباس پہن کر بھی گزرنا مشکل ہوتا تھا، کجا شادی کے لیے تیار ہوکر بارش میں گزرنا

رم جھم گرے ساون

موسم کی شان میں یہ قصیدہ ہم نے جون 2023 میں لکھا تھا جب کراچی میں ایک سائکلون آنے کی خبریں تھیں۔ پھر حالیہ بارشوں میں اسے اپ ڈیٹ کیا۔ امید ہے آگے بھی کام آئے گا۔

------------------------------------------------------------------------

یہ ریڈیو پاکستان ہے، ناظرین۔ مطلب کے سامعین پیش ہیں موسم کی خبریں

کراچی میں آج مطلع ابر آلود رہے گا، طوفانی ہوائیں چلیں گی اور کہیں کہیں بوندا باندی کا امکان ہے، اور اب سنیے موسم کا تفصیلی حال: